55 container vans ng basura mula Canada itinapon sa landfill — BoC

ITINUTURING nang “case closed” ang pagtapon ng 55 container na naglalaman ng basura mula sa Canada.

Sinabi ni Customs Commissioner Alberto Lina, ang 55 containers na naglalaman ng mga gamit na diapers at mga basura mula sa bahay ay dinala na sa sanitary landfill sa Capas, Tarlac.

Dagdag niya, ang mga basura ay kanila nang itinapon at ginastusan mismo ng ating gobyerno.

Una nang nasabat sa Manila ports noong Disyembre 2013 ang mga container mula sa Canadian shipment na naunang idineklarang scrap plastic materials para sa recycling ngunit sa inspeksiyonin natuklasan na puro mga basura ang laman.

Mula sa Ontario-based Chronic Inc., ang shipment at ang consignee nito sa Valenzuela na Chronic plastics ay kinasuhan na rin ng BoC.