2 iginapos sinalbeyds sa Quezon Bridge

NATAGPUANG nakagapos, walang buhay at tadtad ng bala ang dalawang lalaki sa ibabaw ng Quezon Bridge sa Ermita, Maynila kahapon.

Kinilala ang unang biktima na si Romualdo Arguelles, 19, walang trabaho, miyembro ng Sputnik Gang, ng Block 108, Lot 44, NHA Site 2, Dayap, Calauan, Laguna.

Habang ang ikalawa ay nasa edad 20 hanggang 25-anyos, may taas na 5’4 hanggang 5’5, balingkitan ang katawan, at may tattoo na “tayi” sa mga daliri.

Sa imbestigasyon ni SPO3 Jonathan Bautista ng Manila Police District Homicide Section, dakong 7 a.m. nang matagpuan ang bangkay ng dalawang lalaki sa Quezon Bridge South bound.

Ayon sa isang pedicab driver na si Gibson Alvarez, 19, walang permanenteng tirahan, nakasakay siya sa kanyang side car nang makarinig siya nang sunod-sunod na putok ng baril sa lugar.

Hanggang sa isang bakla ang kanyang nasalubong na sinabing may binaril sa ibabaw ng tulay.

Leonard basilio, may kasamang ulat ni Rhea Fe G. Pasumbal

Laborer itinumba habang naglalaba

PATAY ang isang 40-anyos lalaki makaraan barilin ng hindi nakilalang suspek habang naglalaba sa labas ng kanilang bahay sa Port Area, Maynila kahapon.

Isang tama ng bala sa leeg ang tumapos sa buhay ng biktimang si Reylan Otadora, construction worker, ng Block 15-B, Baseco Compound, Port Area, Maynila.

Habang inaalam pa ang pagkakakilanlan ng salarin na mabilis tumakas makaraan ang insidente.

Sa imbestigasyon ni PO3 Marlon San Pedro, ng Manila Police District Homicide Section, dakong 1 a.m. nang matagpuan ng kanyang anak ang biktimang nakabulagta sa labas ng kanilang bahay. Inaalam pa ng mga awtoridad kung ano ang motibo sa insidente.

Leonard Basilio, may kasamang ulat ni Rhea Fe G. Pasumbal