P.8-M shabu nasabat sa Pasay LBC hangar

HINDI kukulangin sa 200 gramo ng shabu na itinago sa loob ng lava cake ang nasabat kahapon ng joint operatives ng Philippine Drug Enforcement Agency, BOC-NAIA X-ray unit at Airport Police personnel sa LBC Hangar na matatagpuan sa General Aviation Area ng Ninoy Aquino International Airport (NAIA) sa Pasay City.

Ayon kay Airport Police officer Alejandro M. Pineda, ang pinaghihinalaang  shabu, na tinatayang may street value na P800,000, ay nakabalot sa carbon paper nang madiskubre  ng X-ray security operator na kinilalang si Juanito Basalla.

Ang parcel na patungong   Zamboanga  ay ipinadala ng isang Mira Adian at ang consignee ay kinilalang  isang Amin Adian.

Ayon sa mga awtoridad, gumagamit ng iba’t ibang estilo ang sindikato sa pagpapadala ng droga sa pag-aakalang hindi gaanong nababantayan ang mga freight forwarding company.

Agad kinompiska ng mga tauhan ng PDEA ang droga.

JSY