HATAW! D'yaryo ng Bayan hatawtabloid.com
PALAGAY namin, hindi na rin dapat umasa iyang siNadine Lustre roon sa love team nila ni James Reid. Iyong fans nila na nag-iilusyon pa rin na totohanan ang kanilang love affair, kailangang tanggapin na ang katotohanan na hindi totoo iyon. Kahit na sinasabihan pa ng kanyang mga manager at ng network si Reid, na iwasan muna ang ibang mga babae dahil sa kanilang love team wala nang mangyayari.
Ilang babae na nga ba ang na-link kay Reid. Bukod doon sa babaeng nag-post pa ang nanay sa Instagram sa sinasabi ni James na hindi niya iiwanan ang babae na “girlfriend” niya. Ngayon naman nali-link siya kay Julia Barretto, at ang tsismis, hindi lang iyong nakita sila sa isang coffee shop, may iba pang mga lugar sila nakikita ng ibang mga tao. Ibig sabihin “there is something”.
Kahit naman kailan eh, hindi nagpakita ng interest iyang si Reid kay Lustre, maliban na lamang sa kanilang mga pelikula. Siyempre iyon ang nasa script. Pero maliban doon ay wala na. Ni minsan, maliban sa ilusyon na lang ng kanilang fans, hindi naman nabalitang nanligaw si Reid kay Nadine eh.
HATAWAN – Ed de Leon
