HATAW! D'yaryo ng Bayan hatawtabloid.com
FINALLY ay natuloy na ang project na pagsasamahan muli nina Sam Milby at Toni Gonzaga plus may bonus pa dahil kasama rin ang ‘kuya’ ng aktor na si Piolo Pascual at Jolina Magdangal.Written In Our Stars ang titulo ng bagong serye ng Dreamscape Entertainment na in-announce noong Biyernes ng gabi na uumpisahang i-shoot sa Hulyo 28 ni direk Andoy Ranay.
Excited si Sam sa project na ito dahil reunion nila ito ni Toni. Ang huli nilang pinagsamahan ay ang pelikulang You Are The One noong 2006 pa under direk Cathy Garcia Molina.
At isa pang ikinatutuwa ng aktor ay dahil first time niyang makakasama sa project ang kuya Piolo niya na aminadong idolo niya noon pa.
Sabi nga ni Sam, “you know, I sort of look up to my ‘kuya’, si Piolo, you know, he’s a much veteran actor, he’s been around for a long time, he has won so many awards.
“Ako, I think I’m gonna learn a lot working with him for the first time, so blessing talaga para sa akin to finally work with him.”
Samantala, nabanggit din ng aktor na hindi totoong aalis na siya ng ABS-CBN dahil loyal Kapamilya artist siya.
Hanggang Disyembre 2016 pa ang kontrata niya sa ABS-CBN at dalawang buwan bago mag-expire ay at saka naghahain ng contract to renew ang management na tiyak tatanggapin naman ng Cornerstone Talent Management ni Sam.
Hindi rin kasi naalis sa isipan ng iba na baka nga aalis na si Sam sa Dos kasi mas madalas siyang nasa Amerika para sa kanyang Hollywood dream lalo’t mas inuna niya ito kaysa Ex With Benefits kaya siya pinalitan ni Derek Ramsay bilang kapartner ni Coleen Garcia.
Hindi naman ito pinagsisisihan ni Samuel dahil may magandang nangyari raw sa kanya noong nasa Amerika siya.
As of now ay pawang out of the country shows ang pinagkakaabalahan ni Sam bukod pa sa pelikula nila ni JennylynMercado na Pre-Nup mula sa Regal Entertainment na idinidirehe naman ni Jun Lana.
FACT SHEET – Reggee Bonoan
