HATAW! D'yaryo ng Bayan hatawtabloid.com
BUKOD sa pag-kanta, isa na ring aktres ngayon si Marion Aunor. Bahagi siya ng latest movie ni Direk Arlyn dela Cruz titled Tibak.
Kasama rito ni Marion sina Jak Roberto, Jill Palencia, Julio Diaz, Kristoffer King, Kiko Matos, Chanel Latorre, Mon Confiado, Liza Diño, Jao Mapa, Chase dela Vega, at iba pa.
Ayon sa dalaga ni Ms. Maribel Aunor, nag- enjoy daw siya sa paggawa ng pelikula. “Hindi ko po ini-expect na mag-e-enjoy ako sa acting. But I did, I’m looking forward to the next shooting dates!” saad sa amin ni Marion.
Ano ang role niya sa pelikulang ito? Kinabahan ba siya sa unang pagsabak niya sa acting?
“Isa po akong beauty queen turned NPA sa film na ‘to. Set in the 60s ‘yung movie.
“Hindi naman po ako kinabahan, dahil comfortable po akong makatrabaho sina Direk Arlyn, Tita Corie, and the rest of the crew. And gusto po kasi ni Direk, natural lang ‘yung pag-acting kaya ‘di naman po nakaka-pressure.
“The more authentic, the better para raw sa kanya. Gusto ko po ‘yung approach niya sa pag-direct ng movie since natural acting nga lang and interesting din po ‘yung napili niyang story for the movie.
“I also like the fact na young kaming mga actors sa movie. I feel like through this film, makaka-raise talaga siya ng awareness sa youth regarding the issues na kasama sa story.”
Ayon pa kay Marion, since napasok na rin siya sa pag-arte, sakaling may offer daw siya sa TV ay okay sa kanya.
“Open naman po ako sa idea na ‘yun. Basta kung may opportunity, then why not?”
ALAM MO NA! – Nonie V. Nicasio
