Entertainment head ng TV5, puring-puri ang kabaitan ni Mark

 

MASAYANG ikinuwento ni TV5 entertainment head, Ms Wilma V. Galvante sa nakaraang launching ng No Harm No Foul na sobrang natutuwa siya kay Mark Neumann bilang si Baker King dahil halos lahat ng barangays na pinuntahan ngHappy Truck Ng Bayan ay kilala ang aktor.

“I’m happy for Mark, kasi ang tawag sa kanya Takgu, so meaning, they are watching Baker King? ’Di ba, nakakatuwa?”kuwento ni WVG sa mesa ng entertainment press na roon din siya nakaupo.

Isa pang napuri kay Mark ay napansin daw ni Ma’am Wilma na kahit may ginagawa ang aktor o nagmamadali kapag tinawag siya ng fans para magpa-picture ay pumupunta at nagpo-pose kaagad.

Oo nga, agree naman kami riyan dahil nakita na rin namin si Mark ng maraming beses na hindi siya namimili ng taong kakausapin o magpapa-piktyur lalo na sa mall na madalas namin siyang makita na hindi naman niya kami nakikita.

Bukod dito ay maganda rin daw ang feedback sa Baker King ni Mark.

Samantala, nagtanong kami sa TV executive kung kumusta naman ang feedback sa isa ring aktor na kasabayan din ni Mark sa Artista Academy, naloka kami kasi walang reaksiyon si Ma’am Wilma as in, parang hindi kami narinig o baka nga hindi, ha, ha, ha, ha.

Sabi nga namin, eh, bagay pala silang magsama ng kasabayang aktor ni Mark at aktres na produkto rin ng Artista Academydahil pareho silang walang ingay at walang reaksiyon ang mga tao.

Anyway, sana mas lumaki pa ang pangalan ni Mark para naman may ipagyayabang ng sariling produkto ang TV5.

FACT SHEET – Reggee Bonoan