HATAW! D'yaryo ng Bayan hatawtabloid.com
ni Reggee Bonoan
HINDI pa rin maka-get over ang has been actress sa kasalukuyan niyang estado sa buhay dahil ipinipilit niyang siya na ang ‘inuuwian’ ng kanyang kasalukuyang boyfriend.
Ang boyfriend ng has been actress ay may legal wife at hindi pa naghihiwalay at umuuwi pa rin gabi-gabi sa bahay nila ng asawa’t mga anak.
Marahil kapag nakakalusot si boyfriend sa legal wife ay nakaka-sleep over siya sa has been actress kaya siguro nasasabi na siya ang ‘inuuwian’ ng dyowa niya at hiwalay na sa asawa.
Nakatatawa lang dahil ang lakas ng loob ni has been actress na tumalak sa mga kaibigan nila ng boyfriend niya, eh, mistress lang naman daw siya, nasaan daw ang etiquette niya bilang isang kabit?
Aware pala si legal wife na may relasyon pa rin ang asawa niya at ang has been actress pero deadma na lang siya dahil katwiran nga niya ay sa kanya umuuwi at siya pa rin ang tunay na asawa.
Sabi pa raw ng legal wife, ”ngumangawa siya (has been actress) kapag kailangan niya ng pera, eh, tingin niya kasi sa asawa ko, ATM (automated teller machine) na anytime niya need ng pera, may mawi-withdraw siya o kusang dumarating kasi ipinahahatid minsan sa bahay niya.”
Ang suwerte naman ni has been actress, hindi niya need magbanat ng buto para masustentuhan ang pangangailangan at take note Ateng Maricris, branded at mamahalin lahat ng bags na ang pinakamababang presyo ay P300,000.
Sa kasalukuyan ay kinukulit daw ni has been actress ang boyfriend niya kung kailan sila magiging legal na hubby and wife?
Susme, mukhang malaki ang problema ni has been actress dahil alam na alam niyang hindi ito mangyayari dahil ang boyfriend niya ay hindi pakakawalan ng legal wife at mangyayari lang daw ang pangarap ng aktres kapag nawala na ang tunay na asawa.
Eh, parang malayong mangyari dahil physically fit at hindi nagpapabaya sa kalusugan niya ang legal wife.
At si has been actress, ”hayun, nagpapaka-healthy pero mataba pa rin,” say ng aming source.
