Same sex marriage magpapataas ng HIV/AIDS cases — Health official

 DAGUPAN CITY – Naniniwala si Department of Health (DOH)-Region I Director Dr. Myrna Cabotaje, isa ring sanhi sa pagtaas ng kaso ng Human Immunodeficiency Virus Infection at Acquired Immune Deficiency Syndrome (HIV/AIDS) sa buong mundo, ang same sex marriage o pagsasama nang pareho ang kasarian.

Ayon kay Dr. Cabotaje, lumalabas sa data na ang pakikipagtalik ng isang tao sa kapareho niyang kasarian kasama na ang pakikipagtalik sa iba’t ibang partner, ay isang dahilan sa pagtaas ng kaso ng HIV/AIDS buong mundo.

Ngunit dahil hindi na maiiwasan ang ganitong uri ng relasyon sa panahon ngayon na maraming mga bansa na ang pinapayagan ang same sex marriage, ipinayo ni Dr. Cabotaje sa mga nagmamahalahan na pareho ang kasarian na maging tapat sa kanilang partner at iwasang magpapalit-palit ng partner upang maiwasang mahawaan ng nakamamatay na sakit.

Nanawagan din siya sa lahat ng sektor na makipagtulungan upang mapalawak ang kaalaman ng bawat tao sa pag-iwas sa HIV/AIDS.