Cargo truck na may pekeng bigas nasakote sa GenSan

GENERAL SANTOS CITY – Agad inalerto ni retired Colonel Danilo Ferrer ang buong puwersa ng Civil Security Unit na naka-deploy sa public market sa GenSan kasunod nang biglang pag-alis ng isang cargo truck na sinasabing may kargang pekeng bigas.

Napag-alaman, dumating ang nasabing truck dakong ma-daling araw kahapon at pumarada sa Cagampang St.

Agad naghanap ng buyer ang mga pahinante ng truck na may temporary plate number 1242-0554, lulan ang 100 sako ng bigas na sinasabing galing sa Davao area. Ayon kay Ferrer, hawak na ang pinagdudahang silicon rice na kanilang nakuha sa truck. Nakasilid ang bigas sa kulay dilaw na sako.

Una nang sinabi ni NFA Assistant Provincial Manager Dionesio Hictin, wala silang na-monitor sa pagpasok ng bigas galing ng bansang China.

Aniya, ang mga rice retailer ang unang makaaalam kung nasa merkado na ang pekeng bigas na may halong styrofoam.