Purisima, 10 pa ipinasisibak ng Ombudsman

IPINASISIBAK ng Office of the Ombudsman si resigned PNP Chief Alan Purisima at 10 iba pang dawit sa pag-apruba sa maanomalyang kontrata sa WERFAST Documentary Agency noong 2011.

Sa 50 pahinang consolidated decision na nilagdaan ni Ombudsman Conchita Carpio-Morales, sinasabing nakakita nang sapat na batayan ang anti-graft body para tanggalin ang dating PNP chief at kanyang mga kasamahan.

Kasong grave misconduct, serious dishonesty at grave abuse of authority ang kinakaharap ng police officials.

Diin ng Ombudsman, kailangan ipatupad ang dismissal sa lalong madaling panahon.

Kabilang sa iba pang ipinasisibak sina Chief Supt. Raul Petrasanta, Chief Supt. Napoleon Estilles, Senior Supt. Allan Parreño, Senior Supt. Eduardo Acierto, Senior Supt. Melchor Reyes, Supt. Lenbell Fabia, Chief Insp. Sonia Calixto, Chief Insp. Nelson Bautista, Chief Insp. Ricardo Zapata Jr., at Senior Insp. Ford Tuazon.