SIM Card Registration Act lusot na sa Kamara

PUMASA na sa Kamara sa ikatlong pagbasa ang House Bill (H.B.) 5231 o ang “Subscriber Identity Module (SIM) Card Registration Act.”

Banggit ni Muntinlupa Congressman Rodolfo Biazon, kailangan nang nakarehistro ang lahat ng bibilhing SIM cards para makatulong na mabawasan ang insidente ng krimen.

Nakasaad sa nasabing panukalang batas, kailangan munang magpresenta ng valid identification card ang bibili ng sim card hindi tulad sa kasalukuyan na walang hinihinging requirements para makabili nito.

Bukod sa valid I.D., kailangan din mag-fill up ng application form ang costumer na may control number ang telecom provider at saka pa lamang siya puwedeng makabili ng sim card.

Sa ilalim ng naturang panukala, may kapangyarihan ang telecommunication companies na i-deactivate ang lahat ng unregistered prepaid cards sa oras na ipatupad ito.

Jethro Sinocruz