Greta, super-iwas pa rin kay Dawn! (Siyam na taon na!)

UNCUT – Alex Brosas . 

UNTIL now ay tuloy pa rin pala ang war of the roses between Gretchen Barretto at Dawn Zulueta.

Rumors have it na nag-isnaban daw sila nang umapir sa isang bonggang event for a lifestyle magazine.

Nang dumating kasi si Gretchen kasama ang partner na si Tonyboy Cojuangco ay namataan niya kaagad na paparating sina Dawn and her husband Anton Lagdameo. Ang drama ni La Greta, dali-dali raw nitong inaya si Tonyboy na pumasok na sa ballroom para hindi na sila magpang-abot ni Dawn. Super iwas daw si Gretchen kay Dawn.

It has been nine years na magkaaway ang dalawa and it seems na matatagalan pa bago sila magbati. It all started when we wrote the FIRST SCOOP of PEP, nang tawagin umano ni Dawn na prima donna itong si La Greta.

Nayabangan kasi si Dawn sa drama ni Gretchen during a pictorial for a magazine na kasama nila sina Angel Aquino and Ruffa Gutierrez.

Dumating si Greta na may dalang limang bodyguards at tatlong yaya. Bitbit din ng bodyguards niya ang male-maletang damit at sapatos, talagang akala mo ay dinala na ni La Greta ang kanyang buong kuwarto sa rami ng dalang damit at sapatos. Parang pang-isang buwan daw na wardrobe ang dala nito.

Ang nakakaloka pa, may bitbit na sariling microwave oven si La Greta para initin ang kanyang pagkain.

Hindi nagustuhan ni Gretchen ang prima donna tag sa kanya ni Dawn kaya naman hindi niya ito kinibo sa loob ng napakahabang panahon.

Actually, they both share something in common: pareho silang dating talent ni Bibsy Carballo at parehong talent ngayon ni Boy Abunda.