Grade 2 pupil 2 taon parausan ng stepfather

ARESTADO ang isang tricycle driver makaraan ang dalawang taon na pagpaparaos sa kanyang 12-anyos stepdaughter sa Bocaue, Bulacan.

Ayon sa ulat, nakatakas ang biktima at nakapagsumbong sa pulisya nang muling pagtangkaang halayin ng suspek na si Ronald Busadre alyas Ado, 35, sa kanilang bahay sa Brgy. Poblacion ng nabanggit na bayan.

Nabatid mula kay Supt. Ganaban Ali, Bocaue police chief, dakong 7 p.m. kamakalawa nang muling pagtangkaang gahasain ng suspek ang dalagita.

Ngunit nakatakbo ang biktima at nagsumbong sa kanyang ina tungkol sa ginawang kahalayan ng suspek sa kanya.

Lumitaw sa ulat, taon 2013 nang simulang halayin ng suspek ang biktima na anak ng kanyang kinakasama, sa tuwing silang dalawa lamang ang naiiwan sa kanilang bahay.

Micka Bautista