HATAW! D'yaryo ng Bayan hatawtabloid.com
TALBOG – Roldan Castro .
HINDI napikon si John Lloyd Cruz sa napabalitang hiwalay na sila ni Angelica Panganiban. Buong ningning niyang sinabi na happy sila at kahit busy sila, pinipilit nilang magkaroon ng oras para sa isa’t isa. Sanay na raw sila sa tanga-tangang balita.
Pero kahit sinabi niyang wife material ang Banana Split star na si Angelica at napakasuwerte ng mapapangasawa nito, wala pa rin siyang balak na pakasalan ito. Priority pa rin daw niya ang trabaho at gusto niya buo ang oras niya ‘pag nagkaroon siya ng sariling pamilya. Hindi niya gusto ‘yung magpapakasal ngayon tapos kinabukasan ay tutok na ulit sa trabaho.
