Julie Anne, ‘di alam ang dahilan ng miscommunication nila ni Alden

 

TALBOG – Roldan Castro . 

BAGAMAT hindi pa natutuldukan ang miscommunication nina Julie Anne San Jose at Alden Richards, okey lang naman sa singer-actress kung magkakabati sila. Open naman si Julie Anne kung mag-i-effort si Alden na magkaayos sila.

Hindi rin daw niya alam kung bakit sila nagkaganyan. Pero naniniwala siya na darating din ang time na magiging okey sila.

“‘Yung mga ganitong klaseng grievances, kailangan talaga dapat inaayos, kaysa ‘yung naka-hang, ‘di ba?,” deklara ni Julie Anne nang makatsikahan namin sa presscon ng kanyang music video para sa kanyang single na Tidal Wave.

Ayon kay Julie Anne, deadma na lang daw siya kung hindi siya binabati ni Alden dahil alam daw niya sa sarili niya na wala siyang ginawang masama.

Okey naman daw sila bago siya umalis sa States at hindi na niya alam kung ano ang nangyari to the point na in-unfollow siya ni Alden sa Twitter.

Pero walang problema kay Julie Anne kung sakaling pagsamahin sila ng Kapuso Network sa isang proyekto.

“I’m okay with it, yeah, we can try,” aniya.

Pak!