Kissing scene nina Sarah at Piolo, itinakas daw kay Mommy Divine

 

UNCUT – ALex Brosas . 

NATANONG si Sarah Geronimo about her breakup playlist sa presscon ng movie nila ni Piolo Pascual na The Breakup Playlist.

“’Yung pag-aalaga mo sa emotions mo, na bawat emosyon ay kailangan mong pagdaanan or else mababaliw ka. Ano ka, robot? Kailangan mong pagdaanan ‘yon,” initial na pahayag ni Sarah.

Then, she recalled her past breakup sa kanyang boyfriend na bagamat hindi niya pinangalanan ay alam naman ng lahat na si Rayver Cruz iyon.

“Naalala ko po noong ako ay nasasaktan, magkasama po kami ni Ate Juday (Judy Ann Santos) sa ‘Hating Kapatid’, gumagawa kami ng pelikula.

“Basta ‘yun. May music po, nakalimutan ko na ‘yung music, basta heartbreak song siya. Nilakasan namin ‘yung tugtog. Kumakanta kami (ni Ate Juday), umiiyak ako, ganyan…” kuwento niya.

Ang masakit na bahaging iyon ay “part ng healing process” na kailangan niyang pagdaanan. “Yung alagaan mo ‘yung sakit until mawala,” dagdag pa niya.

Sa tanong kung may kissing scene sila ni Piolo sa The Breakup Playlist ay mapanukso ang sagot ni Sarah.

“Naku, maiinggit kayo,” say niya. Basta, abangan na lang daw at panoorin ang movie na showing sa July 1 para malaman kung mahahalikan nga siya sa labi ni Papa P.

May chikang nakunan na ang kissing scenes nila ni Papa P habang wala sa shooting si Mommy Divine. Ewan kung true ito.