HATAW! D'yaryo ng Bayan hatawtabloid.com
MAKATAS – Timmy Basil .
UMULAN man noong Sabado ng gabi, matagumpay naming naipakilala ang pitong teen housemates sa Bahay Ni Kuya. Madali silang tandaan dahil iba-iba ang kanilang hitsura at personalidad.
Unang ipinakilala si Ryan ng Cebu na sa murang gulang ay hindi na niya itinatago ang sariling pagkatao—ang pagiging beki.
Gandang-ganda naman kami sa Bikolanang si Barbie na animo’y Barbie Doll talaga.
Malakas naman ang hiyawan nang ipakilala ang barrio rapper na si Jimboy at ang Atenistang si Kenzo.
Pero nang tawagin na ang pangalan ng Fil-Brit na si Bailey, hayun at nagkagulo ang audience kahit na basang-basa.
Super guwapo naman talaga ni Bailey na please lang, huwag n’yo munang pagnasaan dahil 12 years old pa lang, pero malaking bulas huh! Siya kaagad ang napansin ng beking si Ryan at tinanong niya kung bakit may red lipstick ito sa pisngi, ang sagot ni Bailey, his mom kissed him before he entered the PBB house. Sagot naman ng lokong si Ryan, ”I Love Your Mom.”
May nakapasok ding teenage mom, si Camille na naging ina sa edad na 15.
Parang may dating housemate ng ganito sa PBB, si Jamila ba ‘yun na pagkatapos lumabas ng Bahay ni Kuya ay nagpa-sexy at nag-pose sa FHM?
May Muslim girl din na nakapasok, si Aliah kaya lang may napansin ako sa kanya na kapag kinakausap siya ni Big Brother, panay ang dila niya. Pangit na mannerism ‘yan Day, dapat tanggalin mo ‘yan.
