Explosion-type quake naitala sa Mt. Bulusan

NAKAPAGTALA ng isang explosion-type earthquake at rockfall ang Phivolcs sa bulkang Bulusan sa nakalipas na magdamag.

Sa ulat ng Phivolcs nitong Miyerkoles ng umaga, umabot sa 46 seconds ang explosion-type quake batay sa seismic records ng ahensiya.

Bagama’t ayon sa ahensya, wala silang naitalang visual observation sa bulkan.

“There was no visual observation and no rumbling sound reported during the said event. Precise leveling surveys on May 5-14, 2015 indicate very slight inflation of the volcano’s edifice relative to March 2015,” ayon sa Phivolcs.

Sa ngayon, nananatiling nasa alert level 1 ang bulkan na sa  nakaraang mga araw ay makailang beses na bumuga ng abo at nasa 34,000 residente ang naapektohan.