Pagbili nina Toni at Paul sa fastfood chain, bakit ginagawang big deal?

HATAWAN – Ed de Leon . 

BAKIT nga ba ginagawang issue hanggang ngayon ang pagdaraan nina Toni Gonzaga at Paul Soriano sa isang fastfood chain pagkatapos ng kanilang wedding reception? Bakit pinapansin pati ang katotohanang naka-wedding gown pa si Toni nang magpunta sa fastfood chain?

Una, sinasabi ngang nangyari iyon “immediately after” ng kanilang wedding reception. Ibig sabihin hindi pa sila talaga nagbibihis, at hindi pa sila nakararating sa lugar kung saan sila magbibihis. Ang naisip naming una riyan, baka hindi nila nagustuhan ang pagkain doon sa wedding reception nila, o hindi sila nakakaing mabuti at nagutom kaya dumaan sila sa fastfood chain. Ikalawang dahilan, gusto nilang malaman ng lahat na kasal na sila kaya nagpakita sila sa mga kumakain sa fastfood chain na nakasuot pang kasal. Hindi sinabi ng mga natsitsismis kung ano ang inorder ng dalawa sa fastfood chain.

Ang isang posibleng dahilan, iyon ay isang advertising deal. Baka casual endorsement deal iyon. Hindi namin napanood iyong wedding coverage ng kanilang kasal kaya hindi kami sure kung may commercials ba roon iyong fastfood chain na iyon. Kung iyon man ay isang advertising deal, wala na rin tayong pakialam doon.

Bakit pa ninyo pinakikialaman iyang si Toni kung hate ninyo. ‘Di huwag na lang ninyong pansinin wala pa kayong magiging problema.