HATAW! D'yaryo ng Bayan hatawtabloid.com
MA at PA – Rommel Placente .
ANG boy-group na Gimme 5 na binubuo nina Nash Aguas, Joaquin Reyes, John Bermundo, Grae Fernandez, at Brace Arquiza ang pinarangalan bilang Most Promising Recording/Performing Group sa nagdaang Guillermo Mendoza Memorial Scholarship Foundation na ginanap sa The Theater ng Solaire Hotel & Casino noong June 14.
Ayon kay Nash, focus muna siya sa kanilang grupo habang wala pa siyang bagong serye saABS-CBN 2.
“Sa ngayon po, gusto nilang mag-focus muna ako sa Gimme 5. Kasi ‘yung album po namin, ini-release during ‘Bagito’. So medyo naudlot ‘yung promo namin para rito. Ilo-launch na po namin ‘yung third single naming ‘Aking Prinsesa’, so abangan n’yo na lang,” sabi ni Nash sa interview.
Sa ngayon ay masasabi ni Nash na singing muna ang priority niya.
“Iyon nga po. Dahil sa grupo naming Gimme 5. Nagti-train po kami. Nagwu-workshop din po kami halos araw-araw, ganyan.”
Pero kung may dumating daw ulit offer kay Nash na isang serye, sa tingin niya naman daw ay kaya niyang pagsabayin ang acting and singing career.
“Kung kaya po nating pagsabayin iyon, pipilitin natin. Siyempre po, we welcome that as well kasi po blessing ‘yun eh. So hindi dapat pinalalagpas ‘yung ganoon,” aniya pa.
