Petisyon vs BBL ibinasura ng SC (Dahil premature)

IBINASURA ng Korte Suprema ang petisyon na nais ipadeklarang unconstitutional ang Bangsamoro Basic Law (BBL), ang panukalang batas na naglalayong bumuo ng Bangsamoro Region sa Mindanao.

Ayon kay Supreme Court Spokesman Theodore Te, ibinasura ng mga mahistrado ang petisyon ni Rolando Mijares dahil sa pagiging “premature.”

Samantala, pinag-kokomento ang pamahalaan sa dalawang magkahiwalay na petisyong nananawagang ibasura ang dalawang kasunduan na pinasok nito sa Moro Islamic Liberation Front na kinabibilangan ng Framework Agreement on the Bangsamoro (FAB) at Comprehensive Agreement on the Bangsamoro (CAB).

Ang dalawang petisyon ay inihain ng Philippine Constitution Association (Philconsa) at ni dating Negros Oriental Rep. Jacinto Paras.