Ex-LP official bagong hepe ng CHR

ITINALAGA ni Pangulong Benigno Aquino III ang isang dating mataas na opisyal ng Liberal Party bilang bagong chairperson ng Commission on Human Rights (CHR).

Pinalitan ni Atty. Jose Luis Martin “Chito” Gascon, dating director general ng LP, ang nagretirong CHR chairwoman Loretta Ann Rosales, ayon kay Deputy Presidential Spokesperson Abigail Valte.

Magsisilbi si Gascon bilang pinuno ng CHR hanggang Mayo 2022 pati na ang mga bagong miyembro ng komisyon na sina Karen S. Gomez Dumpit, Gwendolyn LL. Pimentel-Gana, at Leah C. Tandora-Armamento.

Hinirang din ng Pangulo bilang bagong director general ng Bureau of Corrections si retired Army general Ricardo Rainier G. Cruz III kapalit nang nagbitiw na si Franklin Bucayu. 

Rose Novenario