4-ektaryang komunidad natupok sa Boracay

NATUPOK ang higit 100 bahay at 20 establisimyento sa Brgy. Manoc-Manoc sa Boracay, nitong Miyerkoles.

Ayon sa Bureau of Fire Protection (BFP), nagsimula ang sunog sa isang boarding house pasado 2 p.m. at kumalat ang apoy sa wet market sa Talipapa Bukid.

Sinabi ni Fire Inspector Stephen Jardeleza, nahirapan silang magresponde dahil nasa bulubunduking lugar ang sunog.

Tumagal nang dalawang oras ang sunog na umabot aniya sa general alarm ngunit dahil nasa isla, wala rin nakaresponde na ibang fire trucks.

Ayon kay Jardeleza, walang turistang naapektohan ng sunog bagama’t may ilang bakasyonistang na-taranta.

Iniimbestigahan na ang boarding house na pinagsimulan ng apoy.