Senate Report sa ‘Fallen 44’  ‘di tatalakayin sa Plenaryo

KINOMPIRMA ni Sen. Grace Poe na hindi na tatalakayin sa plenaryo ng Senado ang committee report kaugnay ng imbestigasyon sa Mamasapano encounter na ikinamatay ng 44 miyembro ng Special Action Force (SAF).

Ayon kay Poe, chairman ng Senate Committe on Public Order and Dangerous Drugs, fact finding lamang ang imbestigasyon at ito ay isinumite na sa Office of the Ombudsman.

Ito ay dahil maaari rin aniyang matalakay ang Mamasapano encounter sa plenaryo sa oras na pagdebatehan ang Bangsamoro Basic Law.

Magugunitang sa rekomendasyon ni Poe, pinasasampahan niya ng kaso ang MILF fighters, at si dating PNP chief Alan Purisima maging ang sinibak na SAF commander na si Getolio Napenas dahil sa pagkamatay ng 44 miyembro ng SAF.

Cynthia Martin