Operasyon ng Cinema 5 ng Ayala Center Cebu sinuspinde

SINUSPINDE ang operasyon ng cinema 5 ng Ayala Center Cebu kasunod ng pagbagsak ng kisame nito na ikinasugat ng siyam biktima.

Ito’y dahil sa kabiguan ng pamunuan ng Ayala Center Cebu na makapagsumite ng incident report sa Office of the Building Official sa Cebu.

Posibleng madamay ng suspensyon ang iba pang sinehan sakaling makitaan ito ng paglabag.

Batay sa imbestigasyon ng Bureau of Fire Protection (BFP), dulot nang tumagas na sprinkler system ang pagbagsak ng kisame na nakuhaan ng video.

Gumuho ito nang hindi na kayanin ang bigat ng tubig.

Nagbanta ang kompanyang nagsagawa ng ad campaign sa naturang sinehan na magsasampa sila ng kaso laban sa Ayala Center Cebu.

Habang handa ang pamunuan ng mall na harapin ang reklamo sa kanila kasabay ng pagdiin na prayoridad nila ang kaligtasan ng kanilang mga customer.