Kentex officials kinasuhan na

PORMAL nang sinampahan  ng reklamo sa Valenzuela City Prosecutors Office ang mga may-ari ng nasunog na factory ng Kentex Manufacturing Corporation.

Magugunitang 72 ang namatay sa sunog na nangyari noong nakaraang buwan at maraming iba pa ang nasugatan.

Umaabot sa 52 ang nagsilbing petitioners sa kaso.

Walo sa naghain ng demanda ay mga kaanak ng mga namatay at ang 44 ay mga survivor.

Kasama sa reklamo ang reckless imprudence resulting in homicide at paglabag sa Wage Rationalization Act, Labor Code at Social Security System (SSS) law.

Siyam ang tinukoy na respondents sa kaso na kinabibilangan nina Kentex president Beato Ang; general manager Ong King Guan; director Jose Tan; director William Young; director Nancy Labares; director Elizabeth Yu; director Charles Ng; director Mary Grace Ching; at Kentex subcontractor CJC Manpower Services director at gene-ral manager Cynthia Dimayuga.