23 pagyanig naitala sa Mt. Bulusan

PINATINDI pa ng Phivolcs ang monitoring sa Mt. Bulusan sa Sorsogon dahil sa naitalang mga pagyanig sa nakalipas na mga oras.

Iyan ay makaraan ang pagsabog nito ng abo kamakalawa ng tanghali.

Ayon kay Phivolcs Dir. Renato Solidum, nakapagtala sila ng 23 volcanic earthquakes sa kanilang seismic monitoring network.

Hindi inaalis ni Solidum ang posibilidad ng pagtataas ng alerto mula sa kasalukuyang alert level 1.

Tiniyak din ng ahensiya na hindi lamang ang Bulusan ang kanilang bi-nabantayan, kundi ma-ging ang iba pang mga bulkan sa buong bansa, pati na ang mga naitatalang lindol.

Katunayan, nakapag-detect din ang Phivolcs ng tatlong pagyanig sa Taal Volcano sa Batangas.

Gayonman, walang ibang volcanic activity na na-monitor sa naturang bulkan.