Wang Bo dumalo sa House Probe

DUMALO sa Kamara ang tinaguriang Chinese crime lord na si Wang Bo para sa imbestigasyon ng House committee on good government and public accountability.

 Una rito, iniutos ni Justice Sec. Leila de Lima sa Bureau of Immigration (BI) na dalhin sa Kamara si Wang mula sa kanilang detention facility sa Bicutan.

 Kasabay nito, inihayag ni De Lima sa komite na pinagtibay na niya ang deportation order laban sa Chinese national.

Sa inilabas niyang kautusan, isinantabi na niya ang desisyon ng Immigration Board noong Mayo 21 na nagbaligtad ng orihinal na deportation order noong Mayo 5, 2015.

Ayon pa sa kalihim, iniutos na rin niya sa NBI ang pagbuo ng special team para siyasatin nang malaliman ang lahat ng aspeto ng kaso ni Wang, kasama na ang pagkakasangkot ng iba pang indibidwal sa isyu ng pangingikil o panunuhol gamit ang salapi mula rito.

Humarap din sa imbestigasyon ang tatlong reporter ng diyaryong naglabas ng exclusive Wang Bo stories.