Sepulturero nagbigti sa Kampo Santo

“NAKAUSAP na kita pwede na akong mawala.”

Ito ang huling sinabi ni Johnny Santos, 36, sepulturero, stay-in sa Manila South Cemetery, sa kanyang karelasyon na si Diane Arciga, 32, ng 2336 Alabastro St., San Andres Bukid, Maynila bago nagbigti kamakalawa ng umaga sa loob ng sementeryo na sakop ng Makati City.

Ayon sa imbestigas-yon ni SPO3 Glenzor Vallejo, ng Manila Police District-Homicide Section, dakong 5:30 a.m. nang mapansin ni Romeo Daang, basurero, ang nakabigting biktima sa puno ng duhat.

Ayon kay Arciga, maaaring hindi natagalan ni Santos ang “on and off” nilang relasyon. Aniya, bagama’t mayroon na silang mga anak ay hindi sila nagsasama.

Dagdag ni Arciga, tutol ang kanyang mga magulang sa biktima kaya dumadalaw na lamang si Santos sa kanilang mga anak at nanatiling nakatira sa sementeryo. 

Bukod dito, nabatid na may iniindang sakit na leukemia ang biktima.

Leonard Basilio