Eroplano bumagsak sa Sultan Kudarat

KORONADAL CITY – Papunta na sa bulubunduking bahagi ng Esperanza, Sultan Kudarat, ang rescue team upang alamin ang karagdagang detalye kaugnay sa napaulat na isang pribadong eroplano ang bumagsak pasado 11 a.m. kahapon.

Ayon Capt. Mark C. Soria ng Bravo Company ng 33rd IB, Philippine Army, nakarinig sila nang malakas na pagsabog dakong 11 a.m. kahapon kaya nakipag-ugnayan sila  sa  mga  contacts  upang alamin ang detalye sa nangyari.

May mga impormasyon aniya mula sa mga sibilyan sa nabanggit na lalawigan, na may nakitang bumagsak na lumiliyab na eroplano.

Si Capt. Soria ang nangunguna sa rescue team na kinabibilangan ng isang doktor, limang nurses, rescue teams mula sa provincial government ng Sultan Kudarat at mga militar.