NBI agent mananagot — De Lima (Kasabwat ng ‘Bilibid 19’)

TINIYAK ni Justice Sec. Leila de Lima na mana-nagot ang sino mang agent ng National Bureau of Investigation (NBI) kapag mapatunayang sangkot sa tangkang pagpupuslit ng mga cellphone at wi-fi modem sa loob mismo ng Pambansang Piitan.

Una rito, nagsagawa ng sorpresang inspection ni De Lima kahapon at inamin ng isang inmate na kasali sa tinaguriang “Bilibid 19” na isa sa mga NBI agent ang kanilang kasabwat para maipasok ang mga kontrabando sa loob ng maximum securty compound ng NBP.

Kumanta ang high profile inmate makaraan magipit nang igiit ng kanyang mga kasamahan na may isa pang cellphone na naipasok sa piitan, ang hindi pa naidedeklara.

Sa ngayon, hawak na ng intelligence unit ng NBI ang mga cellphone at isinasailalim sa forensic exa-mination makaraan ma-kitaan ng text messages na naka-Chinese character.

Agad iniutos ni De Lima na ilipat sa ibang selda ang inmate at isa-ilalim sa witness protection.

Kamakalawa nang hapon, muntikan na namang maipasok ang da-lawang cellphone at isang wi-fi modem sa loob ng Pambansang Piitan.