Bebot pinatay, sinunog ng live-in partner

PINATAY sa sakal ang isang babae ng kanyang kinakasama at sinunog ang kanyang bangkay sa gitna ng bukirin sa Brgy. Catacte, Bustos, Bulacan kamakalawa ng gabi.

Kinilala ng kanyang mga kamag-anak sa pamamagitan ng suot na underwear ang biktimang si Aprilyn Estrella, 27, ng Brgy. Malawak sa nasabing bayan.

Habang pinaghahanap ng pulisya ang suspek na si Joselito Bregino, pahinante sa isang pabrika at nakatira rin sa nasabing barangay.

Sa ulat mula kay Chief Insp. Florencio Morales, hepe ng Bustos police, natagpuan ang sunog na bangkay ng biktima dakong 6:45 p.m.

Nabatid na inaapula ng may-ari ng lupa ang apoy sa kanyang palayan nang makita ang bangkay ng biktima na kasamang nasusunog sa bunton ng dayami.

Batay sa ulat, huling namataang buhay ang biktima habang nakaangkas sa motorsiklo ng suspek. Nag-text pa ang biktima sa kaibigang babae na mamamasyal sila sa hindi nabatid na lugar.

Pagkaraan ay iniha-yag sa pulisya ng kasamahan sa trabaho ni Bre-gino na si Raymundo Precincula na inamin sa kanya ng suspek na pinatay niya ang biktima at sinunog sa palayan.

Patuloy ang isinasagawang follow-up operation ng pulisya upang maaresto ang suspek at matukoy ang motibo sa pagpatay sa kanyang live-in partner.

Micka Bautista