BBL nabinbin sa Kongreso (‘Di naihabol sa deadline)

NABIGO ang Kongreso na maipasa ang Bangsamoro Basic Law (BBL) sa pagtatapos ng sesyon nitong Miyerkoles. 

Nagsara ang pagdinig kamakalawa nang hindi pa rin natutuldukan ang interpellations at debateng magbibigay-daan sa pag-amyenda sa BBL. 

Inihayag ni House Speaker Sonny Belmonte na ipagpapatuloy nila ang paghimay sa panukala sa muling pagbubukas ng sesyon sa Hulyo. 

Setyembre o Oktubre ang bagong target ng Kamara na maipasa ang BBL makaraan itong hindi umabot sa naunang layong Hunyo 11. 

Umaasa si Belmonte na hindi maaantala ang pagtalakay sa BBL sa pagsisimula ng deli-berasyon para sa panu-kalang 2016 national budget. 

Samantala, inilahad ni Bayan Muna Rep. Neri Colmenares, dapat nang tanggapin ng Malacañang na mahigit isang buwan na maiiwang nakabinbin ang panukala para sa pagtatag ng Bangsamoro Region. 

Idiniin din ni Colmenares na magiging mabusisi ang pagrepaso sa BBL habang hini-kayat niya ang mga kapwa kongresista na timbanging mabuti ang kanilang pagboto sa panukala.