HATAW! D'yaryo ng Bayan hatawtabloid.com
UNCUT – Alex Brosas
PAGHANGA at lait ang inabot nina Toni Gonzaga at Paul Soriano sa pre-wedding pictorial nila sa isang magazine na lumabas sa internet.
Hangang-hanga ang marami sa social media dahil bongga ang mga outfit ng couple, talagang magaganda at mamahalin. Beautifully executed ang mga shot at talagang professional ang kumuha.
Sadly, marami ang nakapansin na parang wala sa sarili si Paul sa kanilang pictorial. Parang wala siya sa focus at parang he did it just for the heck of doing it. Parang wala siyang concentration sa kanilang photo shoot, wala silang konek ni Toni sa maraming shots.
Napanood namin ang interview ni Toni tungkol sa kanyang Vera Wang wedding gown. Bata pa pala siya ay idol na niya si Vera who dressed up Hollywood idols during their weddings.
Nakakaloka ang chika ni Toni na nang magpunta sila sa Hong Kong ng kanyang kapatid na si Alex Gonzaga ay hindi sila gaanong pinansin ng story clerk sa boutique ni Vera. Kasi naman, they were simply dressed up, walang make-up, naka-T-shirt lang at jeans. Pinagbawalan nga si Alex na kumuha ng picture ng store clerk.
Nagbago na lang ang pakikitungo sa kanila nang sabihin ni Toni na bibilhin niya ang isang gown.
