HATAW! D'yaryo ng Bayan hatawtabloid.com
JETSETTER talaga si Sam Milby dahil ginawang Cubao ang Amerika kasama ang manager niyang si Erickson Raymundo.
Umalis noong Biyernes ng gabi ang dalawa patungong Vallejo, California para sa Pista Sa Nayon Sama Saya Celebration handog ng TFC Philippine Cultural Committee base na rin sa kahilingan ng TFC subscribers.
Sa post ng manager ni Sam na si Erickson ay maraming taong nakisaya sa singer/actor at talagang dinumog siya.
Isang araw pagkatapos ng show ay bumalik ng Pilipinas sina Sam at Erickson para sa isang commitment dito sa Pilipinas at mulis aalis ngayong linggo patungong Taiwan para sa isang show ulit.
Masaya ang aktor dahil maski hindi siya aktibo sa telebisyon ay marami naman siyang out of the country shows at next week ay nasa Chicago, Illinois kasama naman si Geneva Cruz.
Samantala, sa last week of June raw ang shooting nina Sam at Jennylyn Mercado sa New York City, USA para sa pelikulang Pre-Nup na ididirehe ni Jun Lana.
Maging ang teleseryeng dapat umpisahan na ni Sam ngayong Hulyo ay naurong daw ng Agosto dahil ang mga makakasama ng aktor ay hindi pa rin handa sa kaliwa’t kanang commitments.
Anyway, mukhang hindi pa magkaka-girlfriend ngayong taon si Sam dahil busy siya at dahil crush niya si Jen ay malabong mauwi ito sa seryosong usapan dahil balitang nagkabalikan na ang aktres at ang ex-boyfriend niyang si Dennis Trillo.
FACT SHEET – Reggee Bonoan
