Gay TV host comedian, pera sa alkansiya ang ibinayad sa boylet na nai-take-home

 

ni Ronnie Carrasco III

ISANG grupo ng mga estudyanteng basketbolista ang naghahapi-hapi sa isang bar sa bahagi ng Quezon City, pero na-settle na nila ang bill when a familiar gay TV host-comedian stormed into the bar.

Doon na naisip ng tropa na ipain ang pinakapogi sa kanila na sanay na umano sa pamamakla. Pero hindi na kailangan pang magpa-charming ng boylet, ito kasi agad ang napansin ng bading na napadaan lang sa lugar na pinag-iinuman nila.

Rito na umeksena ang bading, he joined the group na magiliw naman siyang tinanggap. “O, order pa kayo!” paanyaya ng tumeybol sa kanila. Bumaha tuloy ng alak at pulutan ang mesa.

Ilang saglit pa, the gay comedian footed the bill, pero hindi ibig sabihin tapos na ang gabing ‘yon. Balak niya kasing i-take home ang natipuhang boylet na—dahil bihasa naman sa pamamakla—sumama naman sa kanya while the rest of the group stayed at the bar para hintayin itong bumalik.

It took less than an hour bago nakabalik ang boylet na sa bungad pa lang ng bar ay halatang isang bakol ang mukha. “O, pare, ‘musta? Successful ba?” halos sabay-sabay na tanong ng mga kasama niya.

Padabog nitong inilapag ang isang malaking alkansiya na may kabigatan na kanina’y hindi naman nito bitbit nang sumama sa gay comedian. “Put…ina, pare! Wala palang cash sa bahay ‘yung baklang ‘yon kaya eto’ng ibinayad niya sa akin!” sabay nguso sa dala-dalang alkansiya na ang laman ay sa bar pa nila pinagtulong-tulungang bilangin.

Da who ang gay TV host-comedian? Isang syllable lang po ang ginagamit niyang screen name.