Team Mojack, pinaligaya ang mga taga-Ilagan, Isabela

PUNO ng saya ang ginanap na exhibition basketball game ng Team Mojack na ginanap sa sa Ilagan City, Isabela last May 26.

Ang singer/comedian na si Mojack Perez ang tumatayong manager ng star-studded na grupo na kinabibilangan nina Jestoni Alarcon, Onyok Velasco, Joross Gamboa, Marco Alcaraz, Joseph Bitangcol, Matt Evans, Carlos Morales, Paolo Paraiso at ng mga dating PBA stars na sina Nelson Asaytono at Marlou Aquino.

Ginanap ito sa Ilagan City Gym at naungusan ng mga kalaban ang Team Mojack sa score na 75-68. Pero ang mahalaga kay Mojack at mga kasamang celebrity ay marami silang napasa-yang tao.

“Basta napasaya namin ang mga taga-Ilagan at nagtitilian ang mga girls sa mga kasama kong guwapo. After the game, si Mayor Jay Diaz ay sobrang saya niya at siya pa talaga nag-aasikaso sa amin para maghapunan. Napakabait niyang tao at saludo ako sa kanya. Actually sa kanila, kasi ganoon din ang mga anak niya ang babait, pati ang wife ni mayor na si Mam Mudz.

“Kayat muli nagpapasalamat ako sa tiwala sa akin ni Mayor Diaz at sa kanyang asawa na si Madam mudz na siyang susu-nod na kakandidato bilang alkalde ng Ilagan city,” esplika ni Mojack. Sa ngayon, bukod sa successful na show nina Mojack at former Viva Hot Babe na si Zara Lopez sa Dubai noong May 29 and 30, busy si Mojack sa album niyang Ikembot Mo in collaboration sa rapper/composer na si Blanktape. Pati na sa katatayo lang na Mojack’s Entertainment Management na naglalayong makatulong sa mga talented at baguhang artist na gustong magkaroon ng break sa showbiz.

ALAM MO NA! – Nonie V. Nicasio