HATAW! D'yaryo ng Bayan hatawtabloid.com
UNCUT – Alex Brosas .
SA tingin namin ay iniwasan ni Kris Aquino si Gerphil Flores, ang Pinay grand finalist sa Asia’s Got Talent.
Marami ang nag-abang sa pagkikita ng dalawa pero hindi ito naganap. Tanging si Boy Abunda lang kasi ang host noong Miyerkoles ng gabi, wala si Kris dahil papunta ito ng Singapore to celebrate the birthday of her son Joshua.
Maganda sana kung nagharap sina Kris at Gerphil. Kaabang-abang ang episode na iyon lalo pa’t marami ang naimbiyerna kay Kris nang muling mag-surface ang Youtube video ng pagsali ni Gerphil sa Pilipinas Got Talent noon.
Inilaglag ni Kris si Gerphil sa semi-finals at mas pinili nito ang contestant na si Sherwin. Mukhang na-turn off kasi si Kris sa classical piece na inawit ng dalaga. Pinagsabihan pa niya ito na pumili ng age appropriate song. Iyak nang iyak si Gerphil sa nangyari.
Nagkaroon ng comparison nang sumali si Gerphil sa Asia’s Got Talent. Naging katawa-tawa si Kris sa kanyang age-appropriate aria dahil wala namang ganoong komento ang mga judge. Namangha pa nga sila sa galing ni Gerphil. Si David Foster nga, sa sobrang paghanga ay pinindot ang golden buzz kaya nakapasok kaagad ang dalaga sa semi-finals.
