HATAW! D'yaryo ng Bayan hatawtabloid.com
PATAY ang isang Indian national makaraan pagbabarilin ng parking boy na siningil niya sa pautang na 5/6 kahapon ng umaga sa Las Piñas City.
Hindi na umabot nang buhay sa Las Piñas Doctor’s Hospital sanhi ng tama ng bala sa leeg at dibdib ang biktimang si Pavitar Lal y Pindi, nasa hustong gulang, may asawa ng Gold St., Bernabe Subd., Sucat, Parañaque City.
Habang naaresto ng mga barangay tanod at mga awtoridad ang suspek na si Tito Navigar, 43, parking boy, naninirahan sa Openia St. Brgy. Baclaran ng nabanggit na lungsod.
Base sa isinumiteng report ni Senior Supt. Adolfo B. Samala Jr., hepe ng Las Pinas City Police, dakong 10:35 a.m. nang maganap ang insidente sa Joshua St., Lim Court, Phase 5, Brgy. Manuyo Dos, Las Pinas City.
Sa imbestigasyon ni SPO1 Rene Mollenido, nagtungo si Lal sa Joshua St., Lim Court sa nasabing lugar upang singilin ang suspek ngunit imbes magbayad ay pinagbabaril ang biktima.
Nagtangkang tumakas ang suspek ngunit naaresto ng nagpapatrolyang sina PO3 Marjhune Mendoza at PO3 Rogelio Abala Jr.
Jaja Garcia
