HATAW! D'yaryo ng Bayan hatawtabloid.com
CEBU CITY – Inilunsad ng Bogo City Police Office ang crackdown laban sa grupo ng human traffickers na kumikilos sa lugar makaraan nahuli ang isang American national na may ikinakanlong na pitong menor de edad sa loob mismo ng kanyang bahay.
Sinabi ni Childrens’ Legal Bureau spokesperson Atty. Noemi Truya, tinutugis pa ang mga kasamahan ng suspek na nambugaw ng mga batang biktima.
Kinilala ang dayuhan na si Harold Glover, 68-anyos, US citizen, residente ng Georgia, USA, ngunit 10 taon nang naninirahan sa bansa.
Kamakalawa ng gabi, pinasok ng mga tauhan ng Bogo City police ang pamamahay ng suspek sa bisa ng search warrant, sa Brgy. Taytayan, Bogo City, Cebu.
Sa loob ng bahay ay naaktohang nakahubad ang dalawang batang babae at ang dayuhan ay nakasuot lamang ng brief.
Narekober din ang celphone ng suspek na may mga sex video ng mga biktima.
Nabatid na pinaasa ng mga bugaw ang mga bata na tuwing maki-kipag-sex ay may bayad na P1,800 at kapag hipo-hipo lang ay may bayad na school requirements na nagkakahalaga ng P700.
Inamin ng Children’s Legal Bureau na noong Disyembre ng nakaraang taon ay nakatanggap ng impormasyon ang kanilang ahensiya na laganap ang human trafficking sa lugar.
