Steven, mas type mag-teatro

STARNEWS UPLOAD – Alex Datu

And speaking of Steven, pipirma pa lang siya ng contract sa GMA-7 pero naka-two episodes na rin siya sa Wattpad Presents. “Masayang kasama si Eula and she is dedicated sa craft niya. Kung noong unang pagsasama namin ay may ilangan pa kami, ngayon ay komportable na kami sa isa’t isa.”

Inamin nito na dahil nasa dugo ang pagkanta kaya siya mismo ang humanap ng daan para makapasok sa teatro. “Kasi ‘yung theatre iba sa showbiz. Kasi pagpasok mo pa lang sa theater, kailangan mag-audition ka. Kung fit ka roon sa karakter kukunin ka nila unlike sa movie o TV na gagawa talaga ng paraan para bumagay sa ‘yo ang role. Alam mo naman sa showbiz, may kaunting favoritism, may palakasan. Nandoon sila because of other factors unlike sa theater na dapat bumagay ka sa karakter, hindi ‘yung karakter ang babagay sa ‘yo,” medyo pagsesenti nito na umaming after some failed auditions, pinalad siya at napasama sa re-run ng Grease with Guji Lorenzana and Antoinette Taus.