Baliw nanaksak daliri ng biktima nginuya, kinain

VIGAN CITY – Pinaniniwalaang kinain ng isang may diperensiya sa pag-iisip ang daliri ng lalaking kanyang sinaksak sa Brgy. Baliw Daya, Sta. Maria Ilocos Sur kamakalawa.

Kinilala ang biktimang si John Proseso Bacalso, 20, habang ang suspek ay si Reynante Velasco, 21, parehong residente sa nasabing lugar.

Ayon kay Senior Inspector Marcelo Martinez, chief of police ng Sta. Maria PNP, nanonood ang biktima ng telebisyon sa kanilang bahay nang mapansing may nagbukas sa kanilang gate.

Tinanong ng biktima kung ano ang kailangan ng suspek ngunit imbes sumagot, bigla siyang hinabol at sinaksak ng kutsilyo sa kanyang mukha, leeg, tagiliran at braso.

Lumaban si Bacalso dahilan para lalong manggigil ang suspek, kinagat ang daliri ng biktima hanggang maputol.

Pinaniniwalaang kinain ng suspek ang daliri ng biktima dahil hindi niya ito iniluwa makaraan nguyain.

Pinaniniwalaang may diperensiya sa pag-iisip ang suspek.

HNT