HATAW! D'yaryo ng Bayan hatawtabloid.com
INAMIN ni Enrique Gil noong Lunes sa presscon ng Just The Way You Are na in-love at nagsabi na siya ng I Love You kay Liza Soberano.
Ang pag-amin ay naganap nang tanungin ang actor kung in love na ba ito sa kanyang kapareha. “Ano sa tingin mo,” medyo nahihiyang sagot nito.
Nang tanungin uli ito kung nasabi na niya sa dalaga na inlove siya, ang sagot nito’y, “’Yun na ‘yun.” Pero kinulit pa rin siya at naisagot na lamang nito ang, “Silence means yes.”
Nang tanungin naman si Liza ukol sa pag-aming ginawa ng binata, natawa naman ito at sumagot ng, “Ipinaparamdam naman po.”
Nang tanungin naman kung nag-I love you na ba ang binata, inamin naman nito na oo raw at ang naging sagot ni Liza, “Thank you.”
Naging close ang dalawa nang simulan ang Forevermore na nagtapos na kamakailan sa ABS-CBN.
Mamarkahan naman ng Just The Way You Are ang mainstream debut ni direk Theodore Boborol at ng mga manunulat na sina Ceres Helga Barios at Maan Dimaculangan-Fampule na nag-adopt sa material para sa big screen ng best selling Pop Fiction book na The Bet.
Isang romantic comedy na nakasentro sa istorya nina Drake (Enrique) at Sophia (Liza) ang istorya ng Just The Way You Are. Isang badboy si Drake na magiging entangled kay Sophia, isang outcast sa eskuwelahan. Sa pamamagitan ng isang pustahan, sinabi ni Drake na kaya niyang mapa-inlove ng head over heels sa kanya si Sophia. Ang hindi alam ng kanilang mga kaibigan ni Drake, bagamat bad boy ito, tough girl naman ni Sophia na may kanya-kanyang problema sa pamilya na siyang huhubog sa kanilang pagkatao at tunay na pagmamahal sa isa’t isa.
Mapapanood na ang Just The Way You Are, sa June 17.
SHOWBIZ KONEK – Maricris Valdez Nicasio .
