HATAW! D'yaryo ng Bayan hatawtabloid.com
SOBRA ang pasasalamat ng teenstar na si Liza Soberano sa mga suwerteng dumarating sa kanya ngayon. Matapos maging big hit ang katatapos na teleserye nila ni Enrique Gil na Forevermore, ngayon naman ay ilulunsad na sila bilang ganap na bida sa pelikulang Just The Way You Are ng Star Cinema.
Hindi nga halos matapos sa kapapasalamat ang 17 year old na aktres sa mga tinatamasa niya ngayon. “Sobrang nagpapasalamat po ako sa viewers, dahil kung wala ang suporta nila ay wala akong mararating na kahit ano. Now heto, may movie pa ako. Kaya mara-ming salamat talaga sa kanila.
“Nagpapasalamat din ako sa manager kong si Tito Ogie Diaz, my ka-love team Enrique Gil, sa ABS-CBN for their trust in me, and kay Lord dahil sa lahat ng positive things na nangyayari sa buhay ko ngayon,” nakangiting saad ni Liza.
Ano sa tingin niya ang dahilan kaya naging matagumpay ang love team nila ni Enrique?
“Parang feeling ko ay naramdaman ng mga tao iyong sincerity. Kasi, being on the mountain together, na kami-kami lang, wala kang nakakausap na ibang tao. So, we all had to get along and get to know each other.
“And all we wanted in the beginning is just to have a great show and to be happy. We were just enjoying what we were doing and the people felt that. Si-guro also, ‘yung bonding namin, mas naging close kami. Kaya when we act, when we do our scene, we were very comfortable with each other,” wika pa ng Kapamilya aktres.
Nang usisain si Liza kung mayroon ba silang kissing scene ni Quen (Enrique) dito, nakatawang sagot niya ay, “Hindi po, seventeen pa lang po ako.”
Aminado rin si Liza na hindi siya komportableng maka-eksena si Quen na naka-topless ang binata. “Noong una, naiilang po ako,” nakatawang saad niya. “Oo naman po, kapag nakahubad na siya, nako-conscious po ako,” dagdag pa ni Liza.
Ginagampanan dito ni Enrique ang papel ni Drake, isang playboy at hotshot sa school na pinagpustahang mapaibig si Sophia (Liza) sa loob ng isang buwan.
Ang Just The Way You Are ay palabas na sa June 17. Ito’y mula sa direksiyon ni Theodore Boborol at tinatampukan din nina Yayo Aguila, Tonton Gutierrez, Sunshine Cruz, Yves Flores, Sue Ramirez, Marco Gumabao, Alex Diax, Jon Lucas, Miguel Vergara, Myrtle Sarrosa, Erin Ocampo at Kyra Custodio.
ALAM MO NA! – Nonie V. Nicasio.
