Dennis, pinagbabawalan daw aminin ang relasyon kay Jen?

 

UNCUT – Alex Brosas.

UNTIL now ay ayaw pa ring aminin ni Dennis Trillo na back in each other’s loving arms sila ni Jennylyn Mercado.

Kahit marami nang naglabasang photo na magkasama ang dalawa sa iba’t ibang events, mostly sports event dahil pareho silang health buffs, ayaw pa ring kompirmahin ni Dennis na nagkabalikan na sila ni Jen.

Just recently, napaamin si Dennis ni Kris Aquino about the gift he gave to Jennylyn during his birthday. Talagang hindi tinantanan ni Kris si Dennis hangga’t hindi ito umaamin na may ibinigay siyang birthday gift sa aktres.

Although nahihiya pa noong una, inamin ni Dennis na binigyan nga niya ng regalo si Jen. Isang Apple watch at isang mountain bike ang gift ng actor sa dalagang ina.

Ito pala ang story behind Jennlyn’s post sa kanyang Instagram account ng Apple watch at isang mountain bike.

Marami ang naiintriga kung bakit ayaw pang umamin ng dalawa na couple na ulit sila. Ang hula ng marami ay mayroong nagbabawal sa kanila na aminin ang kanilang relasyon. Si Popoy Something na manager ni Dennis ang naiisip ng fans na siyang nagbabawal kay Dennis na umamin ng relasyon niya kay Jennylyn. Alam kasi nilang masyadong pakialamera itong si Popoy.