HATAW! D'yaryo ng Bayan hatawtabloid.com
ARESTADO na ng mga awtoridad ang lalaking pumugot sa 9-anyos batang lalaki sa bayan ng Hagonoy, sa lalawigan ng Bulacan nitong Sabado.
Kinilala ang suspek na si Ernesto Santos, nagtangka pang tumakas ngunit nadakip malapit sa Manila Bay.
Ayon sa isang testigo, nakita niya ang suspek nang itapon ang bangkay ng biktimang si Arnel Escobar, Grade 2 pupil, residente ng Brgy. Mercado sa naturang bayan, sa ilog dakong 3 a.m. nitong Sabado, at nakita rin niyang pinunasan ng salarin ang bahid ng dugo sa kanyang bangka.
Naging emosyonal ang ama ng biktima nang makita ang suspek.
Bago naganap ang insidente, iniwan ng ama ang biktima sa kanilang bahay upang pumalaot at mangisda. Ngunit nang siya ay bumalik ay natagpuang nakalutang ang pugot na bangkay ng biktima sa ilog.
Samantala, itinuro ng suspek kung saan niya itinapon ang ulo ng biktima na narekober kahapon ng umaga.
Inaalam pa ng pulisya ang motibo sa krimen. (MICKA BAUTISTA/DAISY MEDINA)
