HATAW! D'yaryo ng Bayan hatawtabloid.com
TALBOG – Roldan Castro
ITINANGGI ni Marian Rivera na magiging co-host siya ng Wowowin ni Willie Revillame tuwing Linggo sa GMA 7. Inakala kasi ng iba na para sa show ni Willie ang teaser na post niya sa kanyang Instagram account.
“Ano ba buntis na nga ako magko-co-host pa ako? Pang-Talk N’ Text yun,” paglilinaw niya.
Inamin niya na may nakaplanong Sunday show siya pero hindi pa sure. Ito ‘yung pagsasamahan nila ni Ai Ai Delas Alas at inintrigang inayawan niya umano si Regine Velasquez.
Paano raw niya tatanggihan si Regine, hindi pa nga nakalatag ‘yung project at ninang nila ito sa kasal.
“Kabaklaan ko ‘yun bakit ko naman tatanggihan ‘yun?,”bulalas niya. ”Wala akong tinatanggihan at wala akong karapatang tumanggi sa kahit na sinong artista. Wala, wala akong tinanggihan at kahit kailan wala akong tatanggihan na katrabaho,” dagdag pa niya.
Tungkol naman sa magiging baby nila ni Dingdong Dantes, hindi pa raw nila alam kung ano ang gender. Pero happy raw sila kung lalaki man o babae ito. Ipinagpi-pray nga nila na maging normal at malusog ito.
Hindi na rin daw siya nagseselos kay Dingdong. Asawa na raw niya ito at nabuntis na siya’t lahat-lahat. Napakabait daw ng asawa niya at ipinagluluto pa ng oatmeal sa umaga.
Pagkapanganak niya, ayaw niya munang sundan ang baby nila. Aalagaan daw muna niya ang baby nila.
“Tapos after niyon, ‘pag feeling ko okay na siya, at saka na lang uli,” sey pa niya na aabot ng two years.
Anyway, perfect endorser si Marian ng Maxi-Peel para saBagong Ganda, Bagong Pag-asa campaign, ”I’ve been with Maxi-Peel for 8 years now. I use their toner and sunblock a lot. Maarte talaga ko pagdating sa skin care kasi bilang artista, we have to protect our looks. I’m glad kinuha pa rin nila akong endorser kahit buntis na ako,” deklara pa niya.
Talbog!
