Derek ramsay, nagkakasakit na sa sobrang dami ng show sa TV5

 

SAYANG at hindi nakarating si Derek Ramsay sa launching ng bagong game show ng TV5 na Happy Truck Ng Bayan para matanong namin kung para saan ‘yung napanalunan niyang Toyota Vios Cup sa Cebu City noong Mayo 16-17.

Nangangarera na rin ba ngayon ang aktor at iniwan na ang Frisbee?

Bakit nga ba wala ang aktor sa ginanap na presscon?

Ang sitsit sa amin ay may taping daw si Derek ng ibang show at hindi siya pinayagang umalis sa venue, sa madaling salita ay hindi siya pinayagang suportahan ang bago niyang programa.

Tinanong namin ang handler ni Derek, ”dahil po sa sunod-sunod na ang tapings niya ng ‘Extreme Sports’ at ‘Mac and Cheeze’, nagkasakit po siya. Hindi na po niya kinayang pumunta sa presscon. Totoo pong may taping siya kaso hindi na niya kayang magpunta sa presscon.”

Nabanggit pa na marami palang shows ang aktor sa Kapatid Network kaya bisi-bisihan si Derek.

Marami pala, eh, bakit isinama pa siya sa Happy Truck Ng Bayan?

Curious din kami kung paano ang hatian ng segment at exposures ng mga artistang kasama saHappy Truck Ng Bayan at paano ang billing?

Bukod kasi kay Derek ay kasama rin sina Ogie Alcasid, Janno Gibbs, Mariel Rodriguez-Padilla, Tuesday Vargas, Shaira Mae, Akihiro Blanco, Mark Neuman, Vin Abrenica, Chanel Morales, Kim Idol, at Gelli de Belen na ididirehe naman ni GB Sampedro na mapapanood na sa Hunyo 14, Linggo, 11:00 a.m.-1:00 p.m. sa TV5.

FACT SHEET – Reggee Bonoan