Mojak, nakapagpatayo na ng sariling talent center

 ni Alex Datu

SINUWERTE talaga si Mojak Perez aka ‘Mojak’ ngayong taon ng Wooden Sheep dahil sa sunod-sunod na raket kaya nakapag-ipon at nakapagtayo ng Mojak Entertainment Management para makatulong sa mga baguhang gustong pumalaot sa entertainment.

Nais ni Mojack na tumulong para ma-improve ang talent ng mga baguhang singer, gustong mag-artista, mag-model at iba pang aspeto ng entertainment.

Isang dinner ang inihanda ni Mojak sa F.I.S.H. Resto sa Sky Garden ng SM North EDSA para sa ilang kaibigang press at ayon sa kanya, may kasunod pang batch ng press para ipaalam ang bago niyang itinayong management company. Kasabay niyon ang pag-announce ng pagko-collaborate nila ni Blank Tape para sa album na maglalaman ng awiting Ikimbot Mo at Eh Kasi, Jokla.

“Sana, lahat ng mga kakilala ko at nakakakilala sa akin, sana we’re family, we’re friends, so kailangan malinis lahat kung anuman ‘yung ‘di pagkakaunawaan para kung ano man ‘yung pangarap natin ay makakalakad tayo sa tuwid na daan,” pakli pa ni Mojak.

Well said Mojak!